الجــــهــــالــــة
الجهاله في بني آدم توليه الد بــور
لو طريقه غادي يحسبنه متجه
يحسب ان ما مثل شوره مع الاشوار شور
ما يعرف أن له مزاج وللناس أمزجه
يمكن ايلاقي مزاج يبتدله الشعور
وهو على فلم الشطارة وفلم الدبلجه
وآخر المشوار لا حصلت ما في الصدور
كل زور فيه شور لمن ضاق هرجه
يحسب أن معه أفضليه توليه العبور
ان لقا الملح أزعقه وان لقا الحلو أسمجه
القمر والشمس كنها تسلف منه نور
والحبال تصير تحته خيول مسرجه
والسما عجزت تصل له جناحين الطيور
ما وصــــله إلا محمد بلــيله معرجه
يا بنادم يلعــــــــــــن الله مختال فخور
من تواضع تحت ربه يعلـيه درجه
لأجل ما تدخل جهنم على شأن الغرور
للعـرب حاول تواضع وتعطـيهم وجه
من لقا عذب المشارب ومثمرة الزهور
ما قعد يغرف من البحر ويسوق أحدجه
الـطـــــيـــــب
ودّنا بالطيب بس الدهر جحّاد طيب
كل ماتخلص مع الناس كنك تغشهـا
يدك لامدت وفا لاتحرى وش تجيب
كان جاتك سالمه حب يدك وخشهـا
كل ماشـبـيت نار المحّبه مع حبيب
قام يسحب فـي مشاهيبهـا ويرشهـا
كل ماواجهت لك في الزمن وجه غريب
مثل ما قـــال المثل دام تمشي مشها
وذمةٍ ماهيب تندان للحق المصيب
جعل قشاش الحطب لاسَرح يقتشهـا
خـارطة الطـريـق
يا ذا الجلال اللي عروشك فوق وأملاكك حد
ومهماً تسامت به عروشه مستحيـلا يطولها
يا حـي يـا قيّـوم يـا ذا الأنافـــــــة والكبـــر
ما نافسك في عظمتك مكر العبـاد وهولــــها
وما نافسك من عمّر بيوته على سطح القمـر
واللّي ترسي فـوق أقاليـم الميـاه ســـطولهـا
ما انته بحاجة من عبد ولا بحاجة مـن كفر
ولا بحاجــة ثابــت الدنـيـا ولا منقولـهـــا
أنت السميع لمن حمد وانت المزيد لمن شكـر
واللي ما يشكر نعمة المنـــعـم عليـه تزولهـا
يـاذا الجبـروت العظيـم ويـا القديـر المقتــدر
تفزع لنا في معضلات مـا نريـس حلولهـــــا
تلعب بنا خلاّن فرغتنـا كمـا لعـب الكـــــــــور
وأن اقبلت صاحوا لها ان دبّرت صاحوا لهـا
لا هبّنا الطايف بعض الأحيان في فية عصــر
شهب الليالـي مـن ورانـا يسحبـن ذيولهــــا
أنت السلام اللي لك الإسلام وأنت المشمخرر
اللي عجايب قدرتك فـي المعجبيـن ذهولهـــا
سلام يا محمد رسول الله راعي الوجه الأغـر
وسلام يا روح ملائكـة السمـا صلّـوا لهـــــا
سلام يا ابوبكر يا عثمان يـا علـي وعمــــر
وسلام يا سبـع الآفـاق أطلالهـا واسفولها
سلام يا صدق النوى سلام يا وسـع الصـدر
سـلام يـا مفتـاح بيبـان الفرح وقفولهـــــا
وسلام يا شمس الضحى تشرق على بر وبحر
وتشرق على كـل الديار جبالها وسهولهـــا
وسلام يا غر السحاب اللـي تبجـح بالمطـر
وشم الجبال اللـي تبجـح بالسحـاب قذولهـا
وسلام يا هوج الرياح اللي عطاهـا مستمـــر
مهما خذوا منها من الحسنـات مـا ردوا لهـا
بوجيهها حق وقدر وقـ ليت الرحاب اللي لنــا
ما تضمحل من الزمان ولا نشـوف سمولهـا
ويا ليتنا لاما سرحنا اليوم الأبيض من فجـــر
تبطي عبات الليل ما تضفـي عليـه سدولهـــا
ولا ليا منهـا ضفـن سدولهـا يطلـع بــــــــــدر
يا صل ضياه اللي على الكوره تطق طبولها
المعتبر يآخذ على الدنيـا دروس مـن العبـر
والناس بكسبها معاملهـا بقـد عـــــقولـهـا
أحيان تصدف لعبة الشاطر مع غلطـة عمـر
مرة.. لكن لا عّدت الغلطة ما عـاد ينولهــــا
حنا عرفنا كلنا ما طـال مـن شـيء قــــــــصر
والأحلام ماتوا قبلنا شرهين ما وصلـوا لهـا
حتى الجمال اللي نحملها الهقاوي بالصبـــر
يالله بحملتهـا تـقـوم وتــدّرج بحـــــــمولهـــا
والحب سيسـان العبـادة والعبـادة بالجهــــر
إن ما قدرت تقولها وجـه الصحيـح يقولهـا
يسرون عميان المحبة تيه في غـدرا الغـدر
للـي تحـد سيــوفها واللـي تعـن خيولهـــــا
ولا تفكـر فـي غنـاة ولا تفكـــر فــي فقـــر
وتشفع لبيضان الصدور احضوضها وفعولهـا
أهل التكلـف بالمعرفـة والتصنــــــع بالبشــــــر
والله ما هي حول الصحيح ولا الصحيح بحولها
ما يقّيـــم بو ميــه من بو عشر اللي يفضّــــــل
حتى الفضــــوليـة عن الفاضـل بطـل مفعولها
اللي تخبره لحيــــــــته ذا ..طولهـا يصبـح بـزر
واللي تخبره بزر يصبح تصبح لحيته ذا طولها
القنــــــــاص
ياعنـــا القنـــاص يالصيد المّدسم
ياكتاب الشمس وكتــاب الطلاسم
أمسك أعصابي وإذا شفتك تّبسم
كنك تكويني على الكبد بمياسم
كن بيــاضك مـن حــمارك لاتقّسم
عارض في وجنتك موكب مراسـم
حبكم سيـطر على قلبي ورسّـــم
مثل ماسيطر على بغـــداد قاسم
بهازيج الكلام
لي مدة من بهازيج الكلام معزول
اسمع جهازاتها ومطفّي نورها
وأنا خفوقي ودود ولي مزاج ملول
أحارب انفاقها واعاشر جسورها
أوحيت من ثامر بن قطيم صوت تلول
لايق لمرضيهــــا لايق لجمهورها
كنه يحول على لب المسامع محول
وتلــــــد له لدة الطيح لمقهورها
واسند على كوكب بالشعر يطلل طلول
ســــود الليال يتبدد منــــه ديجورهـــا
عيد السمير المزيني مثل ضرب المثول
ما يستلـــم كل عله كـــود دكتــــورها
وأخذت فنجال كيف مع الفناجيل دول
ضرمت يوم القهاوي دنت نجورها
وشرد القرايح خزايزهن حذور جفول
تسكن مساس الصدور وتدهل اقفورها
يا صاح مهلك ترى ابن آدم ظلوم جهول
حمله رفضته جبال الأرض وبحورها
تجار مصر الكنان من الفلاليح فول
وتجــارة الشام تفاحــــه وبندورها
وتجار بغداد بر في بطــــــون الحقول
وتجارة أهل الحسا تفخر من تمورها
وجميع ما في البسيطة من كيان يزول
والامه أمر الله الغالب عـــلى أمورها
وأكثر عيون العرب من شـارة الحق حول
لو تشرق الشمس من صوبه حجب نورها
والفرق بين العلالي والسهل والسفول
مثل الأصابع بنانيها وخنصــــــــورها
ودي يا ذات اللبيب اليابغيت الوصول
لا تبحث الناس لين تثور شعـــورها
ومن العدود اشرب الصافي وكب الحثول
واسرح وخل السواني في ظهر ثورها
فاح النفل والخزامى بالفلا والميــــول
فأول شطور القصيدة وآخر شطورها
البيوت العصم
زاومنـي الهاجـوس ملعـون أبـو الأهـل
يقـول البـيـوت العـصـم وإياك و إياها
لا عيّنت كلمة قلت يضـرب بهـا المثـل
لقـيـنـا وراهــا كـلـمة كـّنـهــا إيــاهــا
ما تنجح مدارس فلسفـة علـم فـي جهل
والعربان ما كلٍ يقـدر يكسـب رضاهـا
يحاول قـدر الإمكـان يعنـي علـى الأقـل
يدخل في مفاهيم العرب يكسب اصغاها
الفياض الخـضـر
يا زين المشي في االروض الخضر لا شعشع المخضار
يازين الدير ة اللي من حقوق الوسم ممطورة
يريح البال سجٍ في الفياض الخضر والمسيار
سعادة للقلوب اللي من السلوان مســــرورة
متى عيني تشوف اللي على قلبي ربيع ودار
أشاهد للسعادة في حياة المجتمع صـــــورة
لا هلت مزون فوقهن تنعومتين صغار
على ذيك اللباب اللي من الرضوان مغمورة
لا منه أصحى سماغر المزون وشعشع النوار
ودجاه أدلى سدوله والقمر متجلي نــــــوره
أشاهد لي بروق دونها ربانها تندار
تقول أكباس غاز من ورا شلال نافورة
سبح ماهر خيالي في الخباري والبرد والنار
وأشوف الجمر فوقه دلة الرسلان منحورة
هذاك المنظر اللي ما تشوفه في الحياة أمرار
على شوفه سبابيح الخيال تموت مقهورة
حرام إني ما أهني راع المليون والمليار
ولا أهني عربسات الفضا دوره ومقدوره
أعيش بعالم طول المدا يبقى لها تذكار
عليّه بالحرام انها حياةٍ مالها جوره
هذا وجه الصحيح ولا على وجه الصحيح غبار
حقيقة ويتمعنها اللبيب بكامل شعوره
كـرمـت ودمــــت
الا ياالله ياللي تحـت هيبـة سلطنتـك اسلمـت"
"لك المسلم يسبح لك بحمـدك ولـك الاسلامـي
احمدك واشكرك واثني عليك بما علـي انعمـت"
"تزودني وفا قـدر العشيـر ووصـل الارحامـي
ولجك الفجر ياليل الذهول اللـي علـي اضلمـت"
"يعرضك واقع الماضي بعيني عـرض الافلامـي
ولهتك يالنديم اللي على صافي وفـاك اضرمـت"
"بصفحة ذكريات العام واللـي مـن ورا العامـي
بعد تقرير مشوار التجـارب نجحـك واجزمـت"
"بان السيف سيفي والعصـا والمحـزم احزامـي
عطتني عزلة اخلاصي معك نسيان مـن نادمـت"
"كتبتك وانطوت صحفي عليـك ورفعـت اقلامـي
اباهـي لا ابالـي واتبيسـط كــل ماقـدمـت"
"اشـب النـار قـدام العـرب واشيـد اخيامـي
نهاري حر شمسه يستحي منها لسـان الشمـت"
"وليلي ترقب نجومـه ملامـة كـل مـن لامـي
على ضو الكلام اللي كشف عنا ستـار الصمـت"
"عرفت اني تحت برق الامل في روض الاحلامي
احسب انك تيمم با اتجاهـي ويـن مـا يممـت"
"واثر ما انت بورايه في الطريق ولانـت قدامـي
مصيبه لاتدنت قيمتك فـي عيـن مـن قيمـت"
"يشوفك بالسهل وانته تشوفـه بالسمـا السامـي
كثر ماحن قلبي للونيـس وكثـر مـا درهمـت"
"فجر صدري حنينـي واتعـب الاقـدام درهامـي
عيون الصد وعيون التجافي حول مهما اكرمـت"
"تشـوف المجتهـد كسـلان والبنـاي هدامـي
مدام ان جانبك شام لجنابي وانت عنـي شمـت"
"كثر خيـرك وانـا مانيـب لاجايـع ولاضامـي
اشوف انه علي واجـب ليـا مريتكـم سلمـت"
"مرور اكرام تربطـه الكرامـه عنـد الاكرامـي
على شان الخفوق اللي على عرشه قعدت وقمت"
"حجب عنك الدجى لين اشرقت لك بيض الايامـي
ختام السالفه ياطيـب العشـره كرمـت ودمـت"
"هذا حقك علي وحق شرهاتـي علـى اوهامـي
مصير الوقت يشرح لك دروسه وان غفلت ونمت"
"يصحيك الزمان اللي يصحـي كـل مـن نامـي
تذكرني لامنها خابـت اوهامـك فمـن وهمـت"
"وشفت الفرق في حب الخشوم وحـب الاقدامـي
